KOKEIN Atomika (2022, CD/LP/Digitala) ATOMIKA, gure diskografiako zazpigarren erreferentzia. 8 abestiz osatutako disko honetan bide eta soinu berriak esploratzen aritu gara, Ispiluari Begiratzean aurrerapenaren kantuan ikusi eta entzun bezala. Diskoa CD eta LP formatuetan argitaratuko da fisikoki eta plataforma guztietan egongo da entzungai. Ritxi Ostariz izan da oraingoan diskoaren azala eta diseinuaz arduratu dena. Bera …
Martxoan kaleratu zen Basque Planet izeneko bilduma. Bertan euskal talde eta bakarlarien kantak aurki daitezke, hoien artean, KOKEIN-en Zutaz Oroitzen. Wagram disketxeak kaleratu eta Fermin Muguruzak hautatutako disko honetan Lisabö, Sorkun, Jousilouli, Berri Txarrak, Anari, etab luze bat sartu dira.
“Lotuta Egon Arren”. Hori izango da disko berriaren izenburua. Azkenean 11 abesti grabatu ditugu, hona hemen izenburuak: “Agurra”, “Errurik Gabeko Gezurra”, “Non?”, “Urpeko Arimak”, “Lotuta Egon Arren”, “Nik Nahi Nuke”, “Zuek Zarete Iturria”, “Berrehun Gezur”, “Gora Begiratzean”, “Heldu”, “Doinuen Dizdira” Aste honetan gainera, nahasketei ekin diegu PiLT-ko Xanpe eta Rafa Ruedarekin Laister “Lotuta Egon Arren” …
Atzo egin genuen Bilbon Lotuta Egon Arren disko berriaren aurkezpena komunikabideen aurrean eta laister ikusi ahal izango dituzue diskoak salgai. Prentsaurrekoaz aparte zuzenean ere gogor arituko gara hemendik aurrera, Altzako kulturetxean emango diogu hasiera ostiral honetan (ikus kontzertuak sailean). Telebistan eta irratian ere ikusi eta entzun dezakezue diskoaren aurrerapen kantua.
2005-XI-25 Azken orduan erabaki genuen Soraluzeko gaztetxera asteburu honetan jotzera joatea eta azken orduan joan gabe geldituko gara. Arazo fisikoak direla eta ezingo gara kontzertua eskeintzeko moduan izango baina hala ere, gaztetxearen aldeko festak aurrera darrai Deskiziadxs eta beste talde batek joko baitute bertan. Pena da zerbait berezia prestatu bait genuen baina laister jakinaraziko dizuegu …
2005-XII-29 Bihar hilak 30, Irungo Tunk! aretoan eskeiniko dugu 2005eko azken emanaldia. Kontzertua, akustikoa izango da eta gurekin batera Napoka Iria eta Lazy Lizard taldeak izango dira. Kontzertuaren ondoren Dj Enano arituko da gaua are gehiago luzatzen. Gaueko 22:30etatik aurrera espero zaituztegu!!!
2006-II-8 Aste honetan zehar zenbait komunikabidetan KOKEINek ostegun honetan Donostiako Fnac-en joko duela agertu da baina ez da horrela izango taldearen gain ez dauden arrazoiengatik. Eskeiniko ditugun emanaldiak gure kontzertuen agendan agertuko dira. Sentitzen ditugu eragozpenak.
2006-IV-25 10 kontzertu, 10 eskenatoki, 10 bidaia…Kontzertu akustikoak eskeintzen hasi ginenetik hauxe da egin duguna. Ilusioz eta ordura arte buruan genuena egiteko asmoarekin hasi ginen gure kantuak moldatzen, eta esperientzia polita izan dela ezin ukatu, abestiek beste zentzu bat hartu dezaketela argi gelditu baita. Tartean kontzertu bereziak ere izan dira (Durango eta Elgetakoa kasu) baina …
2006-IX-4 Uda partean zenbait kontzertu egin ostean, opor batzuez gozatzeko beta izan dugu. Eta opor hauen ondoren berriz ere lanari ekiteko gogoz bueltatu gara; horregatik, momentuz lokalean sartuko gara abesti berriak konposatzeko asmoarekin. Denbora aurrera joan ahala gauza gehiago kontatuko dizkizuegu.
2008-V-25 Euskara Topagunearen 10. urteurrena dela eta, ostegun honetan (Maiatzak 29) emanaldi berezi bat egingo dugu Eibarko Portalean arratsaldeko 19.00etatik aurrera. Emanaldi akustiko txiki bat prestatu dugu Topagunearekin batera antolatu dituzten 1500 emanaldi baino gehiago ospatzeko. Gurekin batera Gilkitxaro antzerki taldea, Asier Serrano abeslari eta idazlea eta emanaldiaren gidaria izango den Ander Lipus izango dira.