2006-IX-4 Uda partean zenbait kontzertu egin ostean, opor batzuez gozatzeko beta izan dugu. Eta opor hauen ondoren berriz ere lanari ekiteko gogoz bueltatu gara; horregatik, momentuz lokalean sartuko gara abesti berriak konposatzeko asmoarekin. Denbora aurrera joan ahala gauza gehiago kontatuko dizkizuegu.
2006/6/29 Orain bi aste Armentiako zirkuitoan izan ondoren larunbat honetan berriz ere Araban izango gara kontzertua eskeintzen. Kasu honetan Arima Beltza taldea izango dugu taulakide.Aipatu beharra daukagu gaueko 9etan emango diogula hasiera gure emanaldiari. Beraz, garaiz eta goiz ibili beharko duzue!!!
2005-VII-20 Aste batzuk jo gabe egon ondoren uztaileko bigarren hamabostaldiari aurre egiteko prest etorri gara. Azken orduko aldaketak ditugu ordea gure kontzertuen agendan, asteburu honetan Arrigorriagan izango ginela agertzen baitzen eta azkenean ez gara bertan izango, taldearekin zerikusirik ez duten arrazoiengatik. Dena den, ostiral eta larunbateko kontzertuak eskeiniko ditugu Gasteizko Errota auzoan eta Soraluzen, eta …
Aurkezpen eta prentsaurrekoen ondoren badugu diskoa eskuetan. Arazo batzuk izan genituen barruko liburuxkarekin hasiera batean eta kopia gutxi batzuk akats batekin irten ziren,bi orrialde errepikatuta baitzeuden. Zure liburuxkak akatsa baldin badauka esaiguzu eta ondo dagoen bat helaraziko dizugu. Hala ere, diskoa eskuragarri izango duzue hemendik aurrera gure kontzertuetan, dendetan… On egin!
2006-IV-25 10 kontzertu, 10 eskenatoki, 10 bidaia…Kontzertu akustikoak eskeintzen hasi ginenetik hauxe da egin duguna. Ilusioz eta ordura arte buruan genuena egiteko asmoarekin hasi ginen gure kantuak moldatzen, eta esperientzia polita izan dela ezin ukatu, abestiek beste zentzu bat hartu dezaketela argi gelditu baita. Tartean kontzertu bereziak ere izan dira (Durango eta Elgetakoa kasu) baina …
2006/XI/7 Oraindik ere lokalean sartuta darraigu abesti berrien konposaketekin baina irtenaldi txiki bat egiteko aukera izango dugu laister (ikus kontzertuak). Bartzelona inguruan pasako dugu hurrengo asteburua pare bat kontzertu eskeintzen ditugun bitartean. Aurrenik, Bartzelonako Sidecar aretoan arituko gara Azaroaren 17an 2IN PAR eta Dj Edurekin batera; Azaroaren 18an berriz, Tona izeneko herrian Dogma taldearekin.
2005-IX-12Eta euria hasi zen… New Orleans-en baino euri gutxiago egin arren, pasa den asteazkenean Arraten eman behar genuen kontzertua bertan behera gelditu zen. Zea Mays taldea jotzen hasi eta euri jasa izan zen Arrateko zelaian, eskenatokira ura sartzen hasi zen ondoren eta eutsi zioten hasiera batean bilbotarrek baina azkenean etsi behar izan zuten (eta genuen). …
Euskadi Gazteak urtero ospatzen duen Gaztea Sarietan KOKEIN izendatua izan da. Hainbat atal ezberdinen artean Bideoklip Onenaren atalean sartu gaituzte “Lotuta Egon Arren” abestiaren bideokliparekin. Interneten (www.eitb.com/egaztea) nola eskutitz bitartez (Euskadi Gaztea, Miramon pasealekua 172, Donostia)helbidean bozkatu daiteke. Aipatu beharra dago Berrehun Gezur abestia ere irrati honetako Top Gazteako zerrendan aurkitzen dela zuen botuen zai!
2006-II-8 Aste honetan zehar zenbait komunikabidetan KOKEINek ostegun honetan Donostiako Fnac-en joko duela agertu da baina ez da horrela izango taldearen gain ez dauden arrazoiengatik. Eskeiniko ditugun emanaldiak gure kontzertuen agendan agertuko dira. Sentitzen ditugu eragozpenak.
2007/III/28Eibarko Coliseo auditorioaren programazioan Maiatzaren 25ean kontzertua eskeiniko dugula agertzen den arren ez da horrela izango. Bertan jotzeko asmoa dugu baina beste data batetan izango da. Jarriko zaituztegu jakinaren gainean.