KOKEIN Atomika (2022, CD/LP/Digitala) ATOMIKA, gure diskografiako zazpigarren erreferentzia. 8 abestiz osatutako disko honetan bide eta soinu berriak esploratzen aritu gara, Ispiluari Begiratzean aurrerapenaren kantuan ikusi eta entzun bezala. Diskoa CD eta LP formatuetan argitaratuko da fisikoki eta plataforma guztietan egongo da entzungai. Ritxi Ostariz izan da oraingoan diskoaren azala eta diseinuaz arduratu dena. Bera …
2005-XII-2 Azken asteotan sorpresaren bat edo beste izango genuela aurreratu dizuegu eta jada gogoz ginen zer zen azaltzeko. Lokalean sartuta eman ditugu azken asteak eta aspalditik buruan bueltaka izan dugun zerbait gauzatzeko aukera eta garaia iritsi da. Gure abestien bertsio akustikoak sortu, eraldatu, apaindu eta apurtu ditugu nolakoak izango ote ziren, zein ikuspuntu emango ote …
Datorren Martxoaren 29tik aurrera Japonen izango gara hainbat kontzertu emateko.Bertan gure azken diska den Mundu margotu berri bat aurkeztuko dugu. Gonbidatuta zaudete!! Kontsultatu datak “hemen”:/Kontzertuak
2008-V-25 Euskara Topagunearen 10. urteurrena dela eta, ostegun honetan (Maiatzak 29) emanaldi berezi bat egingo dugu Eibarko Portalean arratsaldeko 19.00etatik aurrera. Emanaldi akustiko txiki bat prestatu dugu Topagunearekin batera antolatu dituzten 1500 emanaldi baino gehiago ospatzeko. Gurekin batera Gilkitxaro antzerki taldea, Asier Serrano abeslari eta idazlea eta emanaldiaren gidaria izango den Ander Lipus izango dira.
2005-X-27 Azkenaldian kontzertu askorik eskeini ez dugun arren ez gara geldirik egon. Lokalean lan egiten aritu gara kanpora irteteko aukera eduki artean eta guzti horren emaitzaren berri laister izango duzue. Abenduan sorpresa batekin agertuko gara… adi egon!!
Igande honetan Senperen (Ipar Euskal Herria) hainbat urtez jarraian ospatu den euskara eta ikastolen aldeko jaiean izango gara. Ordutegi berezi xamarra jarri digute baina goiz ezberdin bat izateko balio izan dezake, goiz rockeroa. Goizeko 11.30etan hasiko gara kontzertua eskeintzen Nafarroako gunean. Zuek ere bertan egotea espero dugu!
Esan genuen web orria gutxika gutxika betetzen joango ginela eta hala ari gara. Oraingoan “Argazkiak” atala osotu dugu eta bertan jotzen, izerditan, dantzan, grabatzen, estudioan, zuzenean, saltoka, barrez, sufritzen, posea jartzen, gozatzen, bideokliparen grabaketan, lagunekin, etab… ikus gaitzakezue. Denborarekin, pilatzen ditugun argazkiak jarriko ditugu eta zuek ere gure argazkirik baldin baduzue bidali mesedez bertan ager …
2006-IX-4 Uda partean zenbait kontzertu egin ostean, opor batzuez gozatzeko beta izan dugu. Eta opor hauen ondoren berriz ere lanari ekiteko gogoz bueltatu gara; horregatik, momentuz lokalean sartuko gara abesti berriak konposatzeko asmoarekin. Denbora aurrera joan ahala gauza gehiago kontatuko dizkizuegu.
2006/6/29 Orain bi aste Armentiako zirkuitoan izan ondoren larunbat honetan berriz ere Araban izango gara kontzertua eskeintzen. Kasu honetan Arima Beltza taldea izango dugu taulakide.Aipatu beharra daukagu gaueko 9etan emango diogula hasiera gure emanaldiari. Beraz, garaiz eta goiz ibili beharko duzue!!!
2005-VII-20 Aste batzuk jo gabe egon ondoren uztaileko bigarren hamabostaldiari aurre egiteko prest etorri gara. Azken orduko aldaketak ditugu ordea gure kontzertuen agendan, asteburu honetan Arrigorriagan izango ginela agertzen baitzen eta azkenean ez gara bertan izango, taldearekin zerikusirik ez duten arrazoiengatik. Dena den, ostiral eta larunbateko kontzertuak eskeiniko ditugu Gasteizko Errota auzoan eta Soraluzen, eta …